Талийгаач Г-н үхлийн шалтгааныг Шүүх эмнэлэг тогтоох боломжтой 

Зам Тээврийн Хөгжлийн Яамны байранд  гарсан хэрэгтэй холбогдуулан ЦЕГ-ын хэвлэлийн төлөөлөгч, мэргэжилтэн М.Мөнхшүр мэдээлэл хийлээ.

Тэрбээр“Өчигдөр буюу наймдугаар сарын 9-ний оройн 21:45 цагт СБД-ийн 1 дүгээр хороонд байрлалтай Зам Тээврийн Хөгжлийн Яамны байрны гадаа хүн нас барлаа гэх дуудлага 102 утсанд ирсэн. Үүний дагуу СБД-ийн Цагдаагийн нэгдүгээр хэлтсийн жижүүрийн бүрэлдэхүүн үзлэг шалгалтыг хийж ажиллалаа.

ЗТХЯ-ны Хяналт шинжилгээ, үнэлгээ, дотоод аудитын газрын дарга Г-н амь насанд Төрийн захиргаа удирдлагын газрын дарга М халдсан болохыг урьдчилсан байдлаар тогтоогоод, шалгалтын ажиллагаа үргэлжилж байна. Иймд Эрүүгийн хуулийн тусгай ангийн 10.1-т зааснаар хэрэг бүртгэлт нээсэн.Талийгаач Г-н үхлийн шалтгааныг Шүүх эмнэлгийн шинжилгээний дүнгээр эцэслэн тогтоох боломжтой юм.Г, М нар архидан согтуурсан байсан эсэхийг мэдүүлэг болон хэргийн ажиллагааны явцад тогтооно.

Олон нийтийн сүлжээгээр албан тушаалаа булаацалдаж маргалдсан гэх ташаа мэдээлэл гараад байгаа. Үүнд ямар нэгэн албан тушаалын маргаан байхгүй. Г, М нар хоорондын хувийн таарамжгүй харилцаанаас болж ийм асуудал болсон” гэлээ.

 

 

 

 

Холбоотой мэдээлэл
1 Comment
  1. Anonymous says

    huviin taaramjgui hariltsaa yunaas bolj uuseh u. bas yu n ch hurdan togtoodog yum be. hereg dungoj l ehelj bna shu de. shuuh emneleg togtooh bolomjtoi bish togtooh yostoi bhgui yu. iim yumnuudaa anhaaraldaa. odoo bur baitlaa yamandaa bie bienee aldag boloh n e de. yamar ch shaltgaan bsan bai sain l shiitgeh heregtei

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.