ШЕЗ-ийн Гүйцэтгэх нарийн бичгийн даргад нэр дэвшигчидтэй танилц

ШЕЗ-ийн Гүйцэтгэх нарийн бичгийн дарга Т.Мэндсайхан өөрийн хүсэлтээр ажлаа өгчээ. Энэ талаарх мэдээлэлтэй зэрэгцээд ажлыг нь авах хүмүүсийн нэр ч тодроод эхэллээ.  Одоогоор энэ албан тушаалд очих магадлалтай хоёр бүсгүйн нэр дуулдаж байна.

Эхнийх нь Г.Байгалмаа. Тэрээр АН-ын Засгийн газрын үед Барилга, хот байгуулалтын дэд сайдын албыг хашиж байсан. Одоо Ерөнхийлөгчийн Тамгын газрын дэд даргаар ажилладаг.

Нөгөөх нь Р.Булгамаа. ИЗНН-ын Нарийн бичгийн даргаар ажиллаж байсан. Тэр үедээ буюу Ерөнхий сайдаар Ч.Сайханбилэгийг томилогдсоны дараа зөвлөхөөр нь ажиллаж байсан эрх зүйч, эдийн засагч мэргэжилтэй. Монголын болон Олон улсын арбитрын арбитрч, МЗХ-ны Хууль зүйн байнгын хорооны даргаар ажиллаж байсан. Хуульчдын холбооны гишүүн, хуульч, өмгөөлөгч, Монгол улсын Ерөнхийлөгчийн Хуулийн бодлогын орон тооны бус зөвлөхөөр ажилладаг.

Тэрээр 2016 оны сонгуулийн өмнөхөн С.Дэмбэрэл, Ч.Базар нарын хамт АН-д элсч байв.

Одоогоор энэ албан тушаалыг ШЕЗ-ийн Шүүхийн захиргааны удирдлагын газрын дарга Ж.Сайнхишиг түр хавсран гүйцэтгэж байгаа. Тиймээс “шинэ хүн”-ий нэр тун удахгүй тодорхой болох биз ээ.

Эх сурвалж: www.news1.mn 

Д.Бат-Очир

Санал болгох мэдээ

Хууль зүйн байнгын хорооны дарга Д.Цогтбаатар Эрүү шүүлтээс урьдчилан сэргийлэх үйл ажиллагааны тайланг хүлээн авлаа

Улсын Их Хурлын Хууль зүйн байнгын хорооны дарга Ц.Цогтбаатар өнөөдөр (2024.03.29) Хүний эрхийн Үндэсний Комиссын Эрүү шүүлтээс урьдчилан …