Ерөнхий боловсролын сургуулийн хөл бөмбөгийн талбайн хаалга унаж хүүхэд дарагдаж нас барсан хэрэг өчигдөр /2018.06.18/ гарчээ. Тодруулбал, 79-р сургуулийн хөлбөмбөгийн талбайн хаалга унаж 11 настай хүү амиа алдсан хэрэг гарсан байна. Цагдаагийн байгууллагаас мэдээлснээр “79-р сургуулийн сурагч 11 настай хүүгийн толгой дээрээс хөндлөвч төмөр унаж, нас барсан хэрэг өчигдөр оройн 19.20 цагт бүртгэгдсэн. Уг хэргийг одоогоор Баянзүрх дүүргийн цагдаагийн хэлтэст шалгаж байна” гэв.