Game of Thrones киноны гол дүрийн жүжигчин Кит Харингтон хуримаа хийнээ

HBO телевизийн цуврал бүтээл Game of Thrones киноны од Кит Харингтон, түүний хамтран тоглогч Роуз Лесли нар зургадугаар сарын 23-нд хуримаа хийхээр зарлажээ. Game of Thrones кино нь дэлхийн хамгийн олон үзэгчтэй цувралуудын нэгд зүй ёсоор тооцогддог. Хосууд 2012 онд киноны зураг авалтын үеэр танилцсан бөгөөд дэлгэцэд Жон Сноу, Игритт нарын хайр сэтгэлийн дүрийг бүтээсэн юм.

Түүний сүйт бүсгүй Роуз Лесли нь Шотландын сурвалжит гэр бүлээс гаралтай бол Кит Харрингтон Английн II Чарльз хааны үр удам аж.  Хосууд хуримаа  гэр бүлийнхээ шилтгээнд хийхээр төлөвлөж байна.