Аавын бүүвэйн дууны клип мэндэллээ

“Guys” хамтлагийн дуучин М.Мягмар шинэ уран бүтээл болох “Аавын бүүвэйн дуу”-ны клип /2018.06.12/ өчигдөр орой 21:00 цагт сонсогчдын хүртээл боллоо. Энэхүү дууны шүлэг, аяыг Н.Тамир зохиож, клипийг Cross animation studio-ийн хамт олон хийжээ.

Дуучин М.Мягмар “Аавын бүүвэйн дуу”-ныхаа талаар өнгөрсөн тавдугаар сард цахим хуудаснаа “Албан ёсны бүүвэйн дуутай болсон бүх аавууддаа болон, аз жаргалтай өрх бүрт зориулсан бэлэг. Хамтарч ажилласан бүх уран бүтээлчиддээ талархлаа.Монголын мянга мянган үрс амгалан тайван орчинд өсөн торних болтугай!” хэмээн бичсэн.

Аавын бүүвэйн дуу

Одод түглээ орчлон хорвоо тайтгарлаа
Охин үр минь үнэгчлэн нойрс доо бүүвэй ээ
Шөнийн ижий саран авхай дуугаа дууллаа
Шимтэн зүүдлээрэй ээ бүүвэй

Бүүвэй бүүвэй охин үр минь бүүвэй
Буурал дэлхийтэй нь хамт бүүвэйлнэ ээ
Бяцхан үрээ хайрандаа манцуйлаад
Бүхнийг ерөөж аав нь бүүвэйлнэ ээ

Саран гийлээ үүлэн тэртээ туяарлаа
Сэвлэгт үр минь үнэгчлэн нойрс доо бүүвэй
Эрхэсийн ижий саран авхай туяагаа илгээлээ
Эрхлэнхэн зүүдлээрэй ээ бүүвэй

Бүүвэй бүүвэй охин үр минь бүүвэй
Буурал орчлонтой нь хамт бүүвэйлнэ ээ
Охин үрээ элбэрэлдээ торниулаад
Сүүдэр үргээж аав нь бүүвэйлнэ.


.

Холбоотой мэдээлэл
2 Comments
  1. Бат says

    Зөвхөн охин хүүхдэд зориулсан дуу юм аа???

  2. t says

    teneg duu bn. Ay muutai. Duuchin n bas muu

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.