Үлэг гүрвэлийн музейн шинэ танхим нээлтээ хийлээ

Үлэг гүрвэлийн төв музей Олон улсын музейн өдрийг тохиолдуулан “Дэлхийн шим ертөнцийн үүсэл хөгжил” үзэсгэлэнгийн шинэ танхимаа өчигдөр нээлээ. Энэхүү танхим нь шим ертөнцийн үүсэл хөгжлийн түүх, палеонтологийн шинжлэх ухааны боловсрол олгох зорилгын дор архей, протерозой, палеозой, мезозой, кайнозой эрин буюу бидний амьдарч буй эрин хүртэлх эртний амьтан ургамлын сэргээн босгосон үзмэр болон олдворуудыг дэлгэн үзүүлсэн. Шинэ танхимын нээлтийн үйл ажиллагаанд Засгийн газрын хэрэгжүүлэгч агентлаг Соёл, урлагийн газрын төлөөлөл оролцсон бөгөөд Үлэг гүрвэлийн төв музейн хамт олны зүгээс талархлын бичгийг гардууллаа.

2018 оны байдлаар Үлэг гүрвэлийн төв музей нь 3 танхим 40 гаруй үзмэрүүдээр олон нийтэд үйлчилж байна. Байгуулагдсан цагаас хойш

  • Т.батаар гэртээ ирлээ
  • Т.батаар дарханд
  • Т.батаар ба сор үзмэрүүд
  • Үлэг гүрвэлийн мөрөөр
  • Цэрдийн галавын гайхамшиг
  • Цэрдийн галавын усны амьтад
  • Дунд төрмөлийн эрин
  • “Дэлхийн шим ертөнцийн үүсэл хөгжил” зэрэг нийт 7 байнгын болон түр үзэсгэлэнг олон нийтэд дэлгэн үзүүлээд байна.

Эх сурвалж: СОЁЛ, УРЛАГИЙН ГАЗАР

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.