Ж.Батзандан: 500, 600-хан мянган төгрөгөөр сайн эмч, багш нарыг ажиллуулах боломжгүй

УИХ-ын гишүүн Ж.Батзандан өнөөдөр Монгол Улсын Хөдөлмөрийн хууль, Хөдөлмөрийн харилцаан дахь хүний эрхийн конвенцууд ноцтой зөрчигдөж байгаа талаар мэдээлэл хийлээ.

Тэрбээр” УИХ бол Монгол Улсын дотоод, гадаад бүх бодлогод анхаарлаа хандуулж ажиллах үүрэгтэй байгууллага. Гэвч хүний эрхийн асуудалд анхаарлаа хангалттай хандуулахгүй байгаа гэж би үзэж байгаа. Монгол хүн  Үндсэн хуульд заасан үндсэн эрх, эрх чөлөөгөө эдлэх эрхтэй. Сүхбаатарын талбайд жагсан үсээ хусч буй эмэгтэйчүүд, өлсгөлөн зарлаж буй багш нар, эмч нарын зорилгыг дэмжиж буйгаа илэрхийлье.

500, 600-хан мянган төгрөгөөр сайн эмч, багш нарыг ажиллуулах боломжгүй. Иймд ард иргэдийн эрүүл мэндийг хамгаалдаг эмч нар, үр хүүхдүүдэд  эрдэм ном сургадаг багш нарын цалинг  нэмэгдүүлэхийг эрх баригч намаас шаардаж байна. МАН сонгуульд оролцохдоо эмч, багш нарын цалинг хоёр дахин нэмэгдүүлнэ гэж амласан шүү дээ. Хүний эрхийн үндэсний комиссын бүх илтгэл УИХ-д ирдэг.

Эдгээр илтгэлд Хөдөлмөрийн харилцаан дахь ялгаварлан гадуурхалт, ажлын байран дахь бэлгийн дарамт хэрээс хэтэрч байгааг, УИХ, Засгийн газар эдгээр зөрчлийг арилгах чиглэлээр дорвитой арга хэмжээ авахгүй байгааг шүүмжилсэн байдаг. Гэвч Засгийн газар болон энэ чиглэлээр үйл ажиллагаа явуулдаг төрийн байгууллагууд дорвитой арга хэмжээ авахгүй байна. Ганц жишээ хэлэхэд, эрх баригч нам өнөөдрийг хүртэл Хүний эрхийн дэд хорооны даргыг томилж өгөхгүй байна.

Мөн тусгай чиг үүргийн байгууллагуудын ажилтан, албан хаагчдад илүү цаг болон амралтын өдөр ажилласан нэмэгдлийг олгохгүй байгаа талаар, өрх толгойлсон эмэгтэйчүүд болон эрэгтэйчүүдийн эрх онцгой зөрчигдөж байгаа талаар мэдээлэл ирсээр байна.

Хүний эрхийн түгээмэл тунхаглал болон Хөдөлмөр эрхлэлтийн бодлогын тухай конвенцод өрх толгойлсон эмэгтэйчүүд, эрэгтэйчүүдийг илүү цагаар ажиллуулахыг, үр хүүхдээс нь салгаж, хол томилж ажиллуулахыг хориглодог. Гэтэл манай улсад энэ эрх ноцтой зөрчигдөж байна. Миний бие Гааль, Мэргэжлийн хяналт, Хилийн цэрэг, Гадаадын иргэн харьяатын байцаагч нараас ирүүлсэн өргөдөл гомдлын дагуу 6 дугаар сарын дундуур “Нийтийн сонсгол” зохион байгуулахаар бэлтгэл ажлаа хангаж байна. Хөдөлмөрийн харилцааны явцад эрх нь зөрчигдөж буй бүх хүн УИХ руу өргөдөл, гомдлоо ирүүлээсэй гэж хүсэж байна” гэв.

Холбоотой мэдээлэл
8 Comments
  1. зочин says

    өмнөх 4 жил та юу хийсэн юм вэ дээ Тэр их бонд гэх мэт мөнгөө эмч багш нартаа зарахгүй дээ, гэнэт л энэ муу тэр муу гэх юм Эрх мэдэл танайд байхад санаж сэрэх байсан юм Та монголчуудын хандлагыг өөрчлөх юм хийгээч бодит зүйл хийгээч шүүмжлэх , эрх ярих хашгирах их амархан та сувилагчдын, эмч нарын, орлогыг нэмэгдүүлэх ямар боломж байна гэж харж байна вэ ? эхэлж идэхээр бүтээн байгуулалтын чиглэлээр гол зүйлээ хийчихээд хуримтлалтай болсон үедээ иргэдийнхээ орлогыг нэмэгдүүлэх чиглэлд анхаарах ч гэдэг юм уу

  2. z says

    AN tur barisan jiluuddee hulgai huivaldaanaa hiigeed yun ard irgedee bodoh ve! Batzandan say sarsen yum shig erh barigch namiig buruutgaad baih yum. Uuriinhuu namiig erh barigch baihad shaardaj orijlj baihgui yugaa hiij baisan yum be?

    1. Anonymous says

      Нээрээ засаг барьж байсан эрх мэдэлтэй байхдаа эд нарынхаа цалинг нэмчихсэн бол одоо засагийн эрхэнд зантайгаад сууж байхгүй юүү. Цаг алджээ… Одоо яриад л байхаас өөр яах ч бил ээ дээ, хөөрхийс

  3. Зочин says

    Монголд унтаж байгаад гэнэт сэрсэн юм шиг хэдэн хүмүүс байна

  4. zochin says

    Та эрх барьж байхдаа ингэсэн бол үнэлэх байж , одоо гэнэт ухаан орж гэнэ. Жинхэнэ жүжигчин, ухаан мэдрэл нь хаана байна даа.
    Хорлогч гар.

  5. Зочин says

    Попдохоо болио, Батзандан гишүүн ээ

  6. иргэн says

    төрийн тусгай үүрэг гүйцэтгэн хил хязгаарт ажиллаж байгаад нэг байгууллагаас хоорондоо гэр бүл болсон хүмүүсийн асуудлыг тусгайлан авч үзэх шаардлагатай байна. нэг нам нь ялахаараа л ийш тийш нь тушаал гаргаад л явуулна ар, цаашлаад үр хүүхдийн эцэг эхтэйгээ амьдрах эрх яригдана, ядаж нэгийг нь цөлж байгаа бол нөгөөг нь төв суурин газарт ажиллуулдаг болгох хэрэгтэй байна.

  7. Зочин says

    Эрүүл мэнд, боловсролыг Үнэгүй болгож байгаа улс төрийн шоунаас хол байлгая. Ахин энэ талаар шоудсан намыг сонгохоо л больё. Аль ч намын үед тэдний цалин нэмэгдээгүй амьдрал нь сайжраагүй шүү дэ. Бидний яриад байдаг зах зээлийн харилцаанд нь л оруулая.

Reply To Зочин
Cancel Reply

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.