Татварын буцаан олголтыг өгч эхэллээ

Хувь хүний орлогын албан татварын тухай хуулийн дагуу орон сууц худалдан авсан болон оюутны сургалтын төлбөрийн буцаан олголт авах иргэдийн материалыг 2018 оны 01 сарын 01-ээс 2018 оны 2 дугаар сарын 15-ны өдрийг дуустал хугацаанд харьяа татварын алба /Нийслэлийн үйлчилгээний нэгдсэн төвүүдэд/-нд хүлээн авсан.

Нийслэлийн хэмжээнд нийт 33 мянга гаруй иргэн буцаан олголт авахаар материал бүрдүүлж өгснөөс өчигдөр 29,255 иргэний 18.9 тэрбум төгрөгийг 11 банкаар дамжуулан шилжүүлсэн тухай Нийслэлийн санхүү, Төрийн сангаас мэдээллээ.

Татвар төлөгчийн нэр, данс зөрүүтэй шалтгааны улмаас 1,051 татвар төлөгч иргэний гүйлгээ буцсан байна. Эдгээр иргэд мэдээллээ залруулсны дараа буцаан олголтоо авах боломжтой.

Зарим иргэний материал Нийслэлийн татварын газарт шалгагдаж байгаа тул 5 дугаар сард олгогдохоор байна гэж НТГ-аас мэдээллээ.

Та буцаан олголт авах иргэдийн жагсаалтад орсон эсэхээ ЭНД дарж шалгах боломжтой. /Хайлт хэсэгт регистрийн дугаараа оруулж шалгана./

 

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.