Улаанбаатар чөлөөт бүсийг байгуулах саналыг НИТХ дэмжлээ

НИТХ-ын ээлжит бус III хуралдаан 45 төлөөлөгчийн 75.5 хувийн ирцтэйгээр 34 төлөөлөгчийн бүрэлдэхүүнтэйгээр үргэлжилж байна. Хуралдааны  үдээс өмнөх хэсэгт НИТХ-ын Тэргүүлэгчдээс 2018 оны 1 улиралд хэрэгжүүлсэн ажлын тайлан мэдээллийг Хурлын ажлын албаны дарга Б.Батбямба танилцууллаа. Танилцуулгатай холбогдуулан НИТХ-ын төлөөлөгчдийн зүгээс Ажлын албаны даргаас НИТХ-ын тэргүүлэгчдийн хэрэгжүүлсэн ажил, НИТХ-ын Хэвлэл мэдээлэл олон нийттэй харилцах тасгийн үйл ажиллагаа, төлөөлөгчдийн тайлан мэдээ гаргахтай холбоотой асуултад хариулт авлаа.

НИТХ-ын хурлын ажлын албаны дарга Б.Батбямба хуульд заасан чиг үүргийн дагуу төлөөлөгчдийн хурлын ирцийн талаарх статистик мэдээллийг олон нийтэд мэдээлэх болсныг дуулгалаа.

Үүний дараагаар НИТХ-ын төлөөлөгч, Улаанбаатар чөлөөт бүс байгуулах асуудлыг судлах ажлын хэсгийн ахлагч Р.Дагва Улаанбаатар эдийн засгийн төлөөт бүсийг байгуулахтай холбоотой судалгаа, танилцуулгыг хүргэв. Р.Дагва төлөөлөгчийн хүргэсэн танилцуулгатай холбогдуулан төлөөлөгчид асуулт асууж, саналаа илэрхийлж асуудлын хүрээнд хэлэлцүүлэгт идэвхтэй оролцлоо.

Үдээс өмнөх хуралдааны төгсгөлд НИТХ-аас Улаанбаатар чөлөөт бүсийг байгуулах  саналыг дэмжсэн тогтоол гаргах саналыг төлөөлөгчдийн олонх дэмжлээ. Ийнхүү Нийслэл хотын эдийн засгийн хувьд бэхжүүлэх, иргэдийг ажлын байраар хангах хотын стратегийн томоохон төсөл болох Улаанбаатар эдийн засгийн чөлөөт бүсийг байгуулах санал НИТХ-аас дэмжигдэж ажил хэрэг болохоор болж үдээс өмнөх хуралдаан өндөрлөлөө.

НИТХ-ын ХМОНХТ

 

 

Санал болгох мэдээ

Жан Тодт:Улаанбаатар хотын замын хөдөлгөөний аюулгүй байдлыг сайжруулж, хамтран ажиллах бүрэн боломжтой

Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр Нэгдсэн Үндэстний Байгууллагын Ерөнхий нарийн бичгийн …