Орост онгоц осолдож 71 хүн амь үрэгдлээ

Өчигдөр Москвагаас Орск хотыг чиглэн хөөрсөн хос хөдөлгүүртэй, дунд оврын АН-148 онгоц сүйрч, 65 зорчигч, нисэх багийн зургаан ажилтан амиа алджээ. Амиа алдсан хүмүүсийн нэрсийг Оросын Онцгой байдлын яам гаргасан.

Зорчигчдын дунд Казахстан, Азербайжан, Швейцари гурван иргэн, гурван хүүхэд байжээ. Нислэгийн үед цаг агаар тогтуун байсан.

Москвагийн Домодедово дахь агаарын хяналтын төв тус онгоцыг хөөрснөөс хэдхэн минутын дараа онгоцны нисэх багийнхантай холбоо тасарч, онгоц радарын дэлгэцнээс алга болжээ. Онгоцны сэг Москвагийн ойролцоох тосгодын дундаас олдсон.

Авиа компани онгоцны ахмад Валерий Губанов туршлагатай нисгэгч байсныг мэдээлсэн бөгөөд одоогоор хар хайрцгийг олж, осолдсон шалтгааныг олохоор ажиллаж байна.

 

 

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.