СУИС-ийн захирал Э.Сонинтогосыг албан тушаалаас нь чөлөөлөх тухай яригдлаа

Боловсрол Соёл, Шинжлэх ухаан, Спортын сайд Ц.Цогзолмаа салбараа үе үе шүүмжилж, хатуухан үг хэлдэг боллоо. 2017 оны төгсгөлд яамны газрын дарга нар үлдэгдэл мөнгөө үрж ядахдаа цөөн тооны боть ном авч шинэ жилийн баяраар бэлэглэх тухай санал гаргаж оруулж ирснийг өөдөөс нь шидсэн хэмээн мэдэгдэж байв. Тэгвэл саяхны нэг хурал дээр СУИС-ийн захирал Э.Сонинтогосыг чөлөөлөх тухай асуудлыг танилцуулсан байна.

Э.Сонинтогос нь 2010 оны зургаадугаар сарын сүүлээр СУИС-ийн захирлаар томилогдсон. Олон жил энэ сургуулийг удирдаж байгаа. Гэвч хуульд зааснаар тэтгэвэртээ гарах хугацаа нь болсон. Мөн өнгөрөгч хугацаанд сургуулийн үйл ажиллагааг дордуулсан, удирдах чадваргүй хэмээн яамны удирдлагууд дүгнэсэн байна. Тиймээс Ц.Цогзолмаа сайд Монгол Улсын соёл урлагийн зүтгэлтнүүдийг бэлтгэдэг том айлын удирдах бүрэлдэхүүнд шинэчлэл хийж магадгүй бололтой.

Холбоотой мэдээлэл
1 Comment
  1. Зочин says

    СУИС-ийг дордуулсан гэнэ үү? 8 жилийн өмнө ямар байсан сургуулийг өнөөдөр ямар болгов? Ажил хийсэн нэгнээ ингэж худлаа гүжирддэг тэнэг сайд байх ч гэж дээ хөөрхий!!! Сонинтогос шиг энэ сургуулийг өнгөтэй өөдтэй аваад явчих хүн олдохгүй шүү

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.