Н.Байгалмаагийн аялал үргэлжилсээр

Монголоос Их Британийн Лондон хүртэл 12 мянган км газрыг тэмээгээр туулах Н.Байгалмаа хэмээх бүсгүйн аялал Говь-Алтай  аймагт үргэлжилж байна. Тэрбээр аялалд гарснаасаа хойш 630 км замыг туулжээ.

Н.Байгалмаа маршрутын хувьд хятадын хилээр гараад цаашаа Англи хүртлээ Казахстан, Узбекистан, Туркменистан, Иран, Турк зэрэг 15 орныг дайран өнгөрөх төлөвлөгөөтэй байгаа гэнэ.

Аялагч Н.Байгалмаа эмэгтэйн хамт  Монгол бадарчин Амай буюу Жамбалсүрэнгийн Золбаяр аялах хүсэлтэй байгаа талаар цахим хуудаснаа бичжээ.

Тэрбээр”Монгол бүсгүйн тэсвэр хатуужлыг Дэлхийд тунхаглах болтугай! Хүч тэнхээгээ сэлбэж байгаад, аян замын нэгээхэн хэсгийг хамт туулж, Монгол хүндээ дэм болно гэж бодож байна. Өнөөдрөөс эхэлж бэлтгэлдээ орлоо…” хэмээжээ.