Үндсэрхэг үзэлтнүүд гадныхны гар хөл болсон шүүгч, прокурор, өмгөөлөгчидтэй хариуцлага тооцно

18/01/10 12:11

Хөх Монгол бүлгэм гадныхны гар хөл болж байгаа хуульч, өмгөөлөгч нэртэй нөхдүүдтэй тэмцэж, нийгмээ цэвэрлэх ажилд сэтгэл шулуудсан гэдгээ мэдэгдлээ. Өнөөдөр Монголын газар доорх баялагт үндэстэн дамнасан компани, гадны хөрөнгөтнүүд шунаж байгаа. Тэр дундаа хятадын хөрөнгөтнүүд Монголын баялагт ихээр шунах болсон. Тэд энэ зорилгоо гүйцэлдүүлэхийн тулд Монголын өмгөөлөгч, хуульчдыг хөлслөж байна. Тиймээс мөнгө улаан нүд цагаан болсон энэ цаг үед эх орон газар шороогоо гадныханд худалдахад тусалж, хууль зүйн үйлчилгээ үзүүлж байгаа шүүгч, өмгөөлөгч, хуульчдыг үндсэрхэг үзэлтнүүд эсэргүүцэж, хариуцлага тооцохоор болж байгаагаа ийнхүү мэдэгдлээ.

Насаараа монголын цагдаа, шүүх, прокурорын байгууллагад ажиллаж, тэтгэвэртээ гарсан нөлөө бүхий хүмүүс гадныханд хөлсөөр ажиллаж байгаа баримтууд Хөх Монгол бүлгэмийнхэнд байгаа гэв. Мөн             УИХ-ын гишүүн Ж.Батзандан гадныхны гар хөл болж байгаа дөрвөн шүүгч, таван прокурор, 10 мөрдөн байцаагчийн нэрийг зарлана гэж мэдэгдсэн. Тэр мэдэгдлээ баталгаажуулж, яаралтай эдгээр хүмүүсийн нэрсийг зарлахыг шаардаж байгаа аж.

Энэ талаар Хөх Монгол бүлгэмийн тэргүүн Б.Энхбат “Хөрөнгөжсөн, олигарх бүлэглэлийн талд үйлчилдэг хуулийн байгууллагын ажилтнуудын бүхэл бүтэн босоо сүлжээ бий болчихлоо. Монголын хуулийн байгууллагыг дампууруулж байгаа системийн хамгийн анхдагч улаан шугам нь өмгөөлөгчид юм. Өнөөдөр Монгол Улсын төрийн болоод хуулийн байгууллагад ажиллаж байгаад хөөгдсөн эсвэл тэтгэвэртээ гарсан хүмүүс хуулийн цоорхой маш сайн мэддэг.  Энэ мэдлэг дээрээ үндэслэн гадны иргэд, гадны компанийн гар хөл болж, эх орныхоо эрх ашгийн эсрэг ажлаад эхэлсэн байна. Жишээ нь Монгол Улсын Гавьяат хуульч Ц гэх хүн гадны компанид зөвлөх хийгээд шүүх дээр өмгөөлөөд явж байна. Тэд манай хуулийг хэрхэн өөрт ашигтайгаар эргүүлж болох талаар Гавьяат хуульчаас зөвлөгөө авч байна” гэв.

Хөх Монгол бүлгэмийн гишүүн, яруу найрагч Б.Галсансүх “Төр засаг нь энэ луйварчидтайгаа хариуцлага тооцож чадахгүй байгаа учраас бид хариуцлага тооцох болно. Монгол эх орноо гэх сэтгэл эдгээр хүмүүст байхгүй байна. Насаараа хуулийн байгууллагад ажилласан хүмүүс гадны тэр дундаа хятадын компанид зөвлөн ажиллаж байгаад үнэхээр харамсаж байна. Энэ хүмүүс өнөөдөр мөнгөний төлөө нүдээ ухаад өгөхөөс ч буцахгүй болж. Тиймээс бид хариуцлага тооцох болно. Урсахгүй цус, үхдэггүй бүлээн амь гэж байхгүй шүү” гэж нэмэлт тайлбар хийлээ.

Share Button

Сэтгэгдэлүүд

5 сэтгэгдэл.
  • Zochin 89.65.80.41

    2018/01/11 at 04:29

    Mash zev demjij bna

  • a 202.21.106.136

    2018/01/14 at 16:24

    zow temtselee mongl ulsiin huuliin daguu heregjuul eh ornoo hudaldaj bga luiwarchi deerch bn doorch bn yoronhiilogch ta huuliin baiguulgaa tsegtsleh tsagn bolooguu yumuu ajila

  • dawaa 103.194.176.101

    2018/01/15 at 10:12

    zuw

  • АХ 122.201.24.112

    2018/01/15 at 10:27

    ХУУЛИА Л ЦООРХОЙГҮЙ БОЛГО ГЭЖ 76- ГААС ШААРДСАН НЬ ДЭЭР ДЭЭ.

  • MGL 202.131.249.2

    2018/01/15 at 11:32

    ZUV ZUV HAMT TEMTSENEE MOMGOLCHUUDAA

Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 9993-8186 утсаар хүлээн авна.

Сэтгэгдэл үлдээх


8 + = 16