Өглөө.мн Шинэ өглөө, Шинэ мэдээлэл
Жүжигчин П.Шүүдэрцэцэг, Э.Тодгэрэл нарыг үерхдэг эсэхэд одоо ч эргэлздэг хүмүүс олон бий. Жилийн турш өөрсдийн харилцаагаа олон нийтэд албан ёсоор зарлаагүй хосууд хамт шинэ оныг угтаж буй мөчөөрөө сюрприз барилаа.
Энэ тухай жүжигчин П.Шүүдэрцэцэг өөрийн цахим хуудаснаа “Хүсэл бүхэн нь биелж, санасан бүхнээ авах сайхан жил байх болтугай. Эрүүл энх, өнөр өтгөн, ажил үйлс нь арвин өндөр, амьдрал ахуй нь бат бөх, инээд хөөр аз жаргалаар халгин цалгих болтугай. 2017 он надад аз жаргал инээд хөөр, хүсэл бүхнийг минь бэлэглэн авчирсан гайхалтай жил байлаа. Баярлалаа, 2017 он. Тавтай морил, 2018 он минь. Чамайгаа би инээмсэглэл баяр дүүрнээр угтан авъя. Эрчүүд минь нэг хүндээ үнэнч, итгэлтэй тууштай зүтгэлтэй байвал та нар ялагч. Энэ залуу надад нотолж харуулсан юм шүү. Хажууд минь мөнх байгаарай хайрт минь”хэмээн бичжээ.
