Цахим салбарын шилдгийг тодруулах “Веб авардс 2017” өнөөдөр болно

Мэдээллийг цаг, минут, секунд алдахгүй шуурхай, хил хязгааргүй хүргэдэг Монголын сайтууд өнөөдөр шилдгээ шалгаруулна. Монголын сайтуудыг эгнээндээ нэгтгэсэн “Монголын Сайтын холбоо”, “Тэргүүлэгч сайтуудын холбоо”, “Мэдээллийн сайтуудын ассоциаци” зэрэг төрийн бус байгууллагууд нэгдэн, Харилцаа холбоо, мэдээллийн технологийн газар, Монголын сэтгүүлчдийн нэгдсэн эвлэл зэрэг мэргэжлийн байгууллагуудтай хамтран “Веб авардс 2017” цахим салбарын тэргүүн наадмыг зохион байгуулах гэж байна.

Шилдэг сайтууд, нийгмийн хөгжлийг дэмжигч байгууллагуудыг шалгаруулан хүндэтгэл үзүүлдэг уламжлалтай “Веб авардс” наадам хоёр жилд нэг удаа болдгоороо онцлогтой. Энэ жил гурав дахь удаагаа зохион байгуулагдах гэж буй “Веб авардс 2017” цахим салбарын оны тэргүүн наадмын үеэр

Мэдээллийн шилдэг сайт
2. Шилдэг технологи нэвтрүүлэгч сайт
3. Нийгмийн хариуцлагыг дэмжигч сайт
4. Төсөл хэрэгжүүлэгч шилдэг сайт
5. Төрөлжсөн мэдээллийн шилдэг сайт
6. Шилдэг Вэб хөгжүүлэгч
7. Онлайн худалдааны шилдэг сайт
8. Зар сурталчилгааны шилдэг сайт
9. Шилдэг “Start up” төсөл
10. Төрийн байгууллагын шилдэг сайт
1 Орон нутгийн шилдэг сайт
12. Шилдэг Дебют сайт
13. Шилдэг жиргээч
14. Шилдэг Facebook цахим хуудас зэрэг номинациар шилдгүүдээ тодруулж, цом, өргөмжлөл гардуулах юм.

Мөн үүний зэрэгцээ

Нийгмийн хөгжлийг дэмжигч Үндэсний шилдэг Бүтээн байгуулалт
2. Нийгмийн хөгжлийг дэмжигч Үндэсний шилдэг Үйлдвэр
3. Нийгмийн хөгжлийг дэмжигч Үндэсний шилдэг Хөрөнгө оруулагч
4. Нийгмийн хөгжлийг дэмжигч Үндэсний шилдэг Улстөрч
5. Нийгмийн хөгжлийг дэмжигч Үндэсний шилдэг цахим үйлчилгээ нэвтрүүлэгч нарыг тодруулж, алдаршуулах юм байна.

“Веб авардс-2017” цахим салбарын тэргүүн наадмын ёслол хүндэтгэлийн үйл ажиллагаа өнөөдөр 14:00 цагаас Улсын драмын эрдмийн театрт болно.

 

Санал болгох мэдээ

Хүн ёсны төлөөх тэмцлийг улстөржүүлсэн ерөнхийлөгчид алдарт эхчүүд гомдолтой байна

Дөнгөж төрсөн нялх биетэй ээжийг нярайн хамт тусгаарлахдаа хүнлэг бус, сэтгэлгүй хандсаныг эсэргүүцсэн эхчүүд өчигдөр …