Сэтгүүлчийг хөнөөсөн гэмт хэрэгт 10 хүнийг сэжигтнээр татаж баривчилжээ

17/12/06 06:02


Сицил болон Хойд Африкийн дунд орших Мальта улсын эрэн сурвалжлах сэтгүүлч Дафне Карауна энэ оны 10 сарын 16-нд автомашинтайгаа дэлбэрч амиа алдсан хэрэг гарсан билээ. Тэрээр өөрийн улсын улс төр, бизнесийн хэд хэдэн хүнтэй холбоотой авилга, албан тушаалын наймаалцлын талаар мэдээлэл бэлтгэж, Панамыг тойрсон асуудлуудтай холбоотой баримтуудыг дэлгэж байсан юм.

Цагдаа нар уг хэргийг улс төрийн зохион байгуулалттай гэмт хэрэг гэж үзсэн. Харин уржигдар Мальтийн цагдаа нар энэхүү аллагад сэжиглэн 10 эрэгтэйг баривчилсан болохыг Ерөнхий сайд Иосеф Мускат мэдэгджээ. Өмнө нь дээрмийн хэрэг үйлдэж байсан хоёр хүнийг уг хэргийг бусдаасаа илүү үүрэгтэй үйлдсэн гэж сэжиглэсэн аж.

Тэд бүгд Мальтийн иргэд бөгөөд урьд нь ял эдэлж байсан хүмүүс аж. Цагдаа нар эдгээр хүнийг байцааж эхэлсэн. Хэд хэдэн хүн уг хэрэг мафийнхнаас хэн ч гээд өөрсдөөр нь оролдвол юунд хүрч болохыг сануулсан дохио байж болзошгүй хэмээсэн.

Америкийн Холбооны Мөрдөх Товчоо мөн уг хэргийг шалгаж байгаа ба хэргийг нарийвчлан шалгах тусам ээдрээтэй болж байгааг зарим албаны эх сурвалж дурджээ.

 

Share Button

Сэтгэгдэлүүд

1 Сэтгэгдэл.
  • зочин 202.179.25.47

    2017/12/06 at 18:24

    Манай оффшорчидын хийсэн ажил биш биз

Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 9993-8186 утсаар хүлээн авна.

Сэтгэгдэл үлдээх


8 − = 1