Жэки Чан хөрөнгөө хүүдээ өвлүүлэхгүй

ХонКонгт төрсөн, өдгөө 63 настай алдарт жүжигчин Жэки Чан 130 сая ам долларын хөрөнгөөсөө хүүдээ өвлүүлэх бодолгүй гэдгээ илэрхийлжээ. Жүжигчин хэлэхдээ хөрөнгийнхөө талыг хүмүүнлэгийн үйлсэд зориулах бөгөөд үлдсэнийг нь яах талаар бодоогүй.

Ямар ч байсан хүүдээ их хөрөнгө залгамжлуулах төлөвлөгөө байхгүй гэжээ. Тэрбээр “Миний хүү Жэеси өөрөө л чадвартай байвал жаахан мөнгийг ч юм болгоно. Харин чадваргүй бол миний хөрөнгийг зүгээр л хог дээр гаргана шүү дээ” гэжээ.

Жүжигчин Жэки Чан кино урлаг дахь өөрийн карьераа таван наснаасаа хойш эхлүүлсэн байдаг. Өнөөг хүртэл 150 гаруй кинонд ажилласан тэрээр амжилтад хүрэхийн тулд шаргуу хөдөлмөрлөсөн.

Тэр ч утгаараа хүүгээ ажилч хичээнгүй нэгэн байх ёстой гэж үздэг байна. 1982 онд төрсөн Жэеси Чан жүжигчин, дуучин билээ. Тэрээр 19 кинонд тоглож, Хонконг, Тайваньд хөгжмийн карьераа өсгөсөн байна.

 

 

 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.