Өглөө.мн Шинэ өглөө, Шинэ мэдээлэл
22 дахь удаагийн “Victoria’s Secret” шоу өчигдөр Шанхайн “Mercedes Benz Arena”-д болсон. Энэ үеэр загвар өмсөгч, сахиусан тэнгэрүүдийн нэг Мин Ши бүдэрч унасан. Гэсэн хэдий ч бүсгүй юу ч болоогүй мэт инээмсэглэн босож, цааш алхсаар загварын үзүүлбэрээ үзүүлж дуусгажээ.
Бөмбөгөр ханцуйтай хөх даашинз, гладиатор загварын гутал өмссөн түүнд босох тийм амар байгаагүй ч гэлээ хэний ч туслалцааг аваагүй.
Мин 2010 онд “Elite Model Look” тэмцээнд гуравдугаар байранд орсноосоо хойш загварын карьераа амжилттай үргэлжлүүлж яваа. 2011 онд Givenchy, Christian Dior, Kenzo болон Vivienne Westwood нарын шоунд оролцож байсан.
