Х.Баттулга, В.Путин, Шинзо Абэ нар жүдо бөхийн медалийн төлөөх барилдаан үзэж сонирхлоо

17/09/08 03:34

355 Үзсэн

ОХУ-ын Владивосток хотноо болсон Дорнын эдийн засгийн чуулган өндөрлөсний дараа Монгол Улсын Ерөнхийлөгч Халтмаагийн Баттулга, ОХУ-ын Ерөнхийлөгч Владимир Путин, Япон Улсын Ерөнхий сайд Шинзо Абэ нар Жигоро Каногийн нэрэмжит 21 хүртэлх насны залуу жүдочдын олон улсын тэмцээний медалийн төлөөх барилдааныг урлаг, спортын “Фетисов-Арена” цогцолборт үзэж сонирхлоо.

Уг тэмцээнийг Дорнын эдийн засгийн чуулганы үйл ажиллагааны хүрээнд ОХУ-ын Ерөнхийлөгч В.Путин, Япон Улсын Ерөнхий сайд Ш.Абэ нарын ивээл дор есдүгээр сарын 4-нөөс 8-ны өдрүүдэд зохион байгуулсан юм. Тэмцээнд Монгол Улс, ОХУ, Япон зэрэг орны залуу жудочид өрсөлдөв.

Тэмцээнийг Орос, Японы жүдочдын анхны халз барилдааны 100 жилийн ойд зориулсан юм. Тэмцээний төгсгөлд Монгол Улсын Ерөнхийлөгч Х.Баттулга, ОХУ-ын Ерөнхийлөгч В.Путин, Япон Улсын Ерөнхий сайд Ш.Абэ нар тэмцээний ялагчдад цом гардуулан өгөв. Тэмцээний үеэр ОХУ-ын Ерөнхийлөгч В.Путин хэлсэн үгэндээ “Эрхэм хүндэт Монгол Улсын Ерөнхийлөгч өө, Эрхэм хүндэт Япон Улсын Ерөнхий сайд аа,

Бид өнөөдөр жудо бөхийн олон улсын анхны тэмцээнийг энд зохион байгуулж байна. Энэ ялдамд Владивосток хотод яг 100 жилийн тэртээ, 1917 онд Орос, Японы жудочдын анхны тэмцээн болж байсныг сануулахыг хүсч байна. Энэ уламжлалыг бидний гайхамшигтай анд нөхөр, алдарт жудоч ноён Ямаситагийн хүчин зүтгэлээр сэргээж байгаад их баяртай байна.

Тэмцээнийг Олон улсын жудогийн холбооны дэмжлэгтэйгээр зохион байгууллаа. Иймээс энэхүү  гайхамшигт спортыг хөгжүүлэхийн төлөө ихийг хийж байгаа Олон улсын жудогийн холбоо, ноён Визерт гүн талархал илэрхийлье. Бид тэмцээнийг жил тутам зохион байгуулахын төлөө шаардлагатай бүхнийг хийх болно. Тэмцээний бүх оролцогчид, тамирчид, мэргэжилтнүүд, жудо сонирхогчдод баяр хүргэж илүү шинэ гайхамшигтай, сэтгэлд хоногшсон барилдаан, уулзалтууд хийж байхыг хүсье” гэв.


 

 

Эх  сурвалж: president.mn

Share Button

Сэтгэгдэлүүд

1 Сэтгэгдэл.
  • өвөө 139.5.216.205

    2017/09/08 at 23:54

    улаанбаатарын алдартай гомо өвөө мөнхөө болиоч ээ залуусаас ичиж амьдарий

Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 9993-8186 утсаар хүлээн авна.

Сэтгэгдэл үлдээх


4 + = 9