Хөшигийн хөндийн нисэх буудал ажиллаж эхлэхэд 35 сая ам.доллар шаардлагатай

Улаанбаатар хотын Олон улсын шинэ нисэх буудлын үйл ажиллагааг эхлүүлэх, бэлэн байдлыг хангах тест хийх, зарим тоног төхөөрөмж, машин механизмыг худалдаж авахад нийт 35 сая ам.долларын хөрөнгө оруулалт шаардлагатайг холбогдох мэргэжлийн байгууллагууд хийжээ. Тус буудлыг ашиглалтад оруулахад удааширч байгаа зарим ажлыг шуурхайлах, шаардлагатай хөрөнгө оруулалтыг шийдэх зорилгоор Засгийн газрын Хэрэг эрхлэх газрын дарга болон Зам, тээвэр хөгжлийн яамны удирдлагууд энэ сарын 8-ны өдөр газар дээр нь ажилласан тухайгаа Засгийн газрын хуралдаанд танилцууллаа.

Хуралдаанаас Олон улсын нисэх буудлыг ашиглалтад оруулахад шаардлагатай хөрөнгө оруулалтын Монголын талын эзэмших хувьд ногдох санхүүжилтийг 2018 оны улсын төсөвт суулгах талаар судалж шийдвэрлэхийг холбогдох сайд нарт үүрэг болголоо.

Засгийн газрын Хэвлэл мэдээлэл, олон нийттэй харилцах хэлтэс 

Холбоотой мэдээлэл

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд www.Ugluu.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 315090 утсаар хүлээн авна.