Монголын “Оскар” шилдгүүдээ тодрууллаа

17/05/20 12:15

1428 Үзсэн

Монголын кино урлагийг дэлхийн тавцанд гаргах зорилготой, кино урлагийн дээд шагнал гардуулах Монголын “Ocкар” буюу “Cinema Awards” ёслолын үйл ажиллагаа өнөөдөр 18:00 цагт Корпорейт Конвеншн Центрт болж шилдгүүддээ шалгаруулаа.

Тус кино наадамд 2016 онд үзэгчдийн хүртээл болсон 46 киноноос 12 кино 14 номинацид өрсөлдөж ийнхүү шилдгийн шилдэг бүтээлүүд шалгарсан юм.

“Cinema Awards”-аас шагнал хүртсэн бүтээлүүдээс: Шилдэг туслах эрэгтэй дүр Ц.Төмөрхуяг /Ээж УСК/

Шилдэг нүүр хувиргагч Ц.Дэлгэр /Бүү март УСК/

Шилдэг дууны найруулагч Б.Билгүүтэй / Үргээлэг-2 УСК /

Шилдэг зохиол Т.Бум-Эрдэнэ /Үргээлэг-2 УСК /

Шилдэг туслах эмэгтэй дүр У.Уранчимэг / Атганд үлдсэн эрдэнэ УСК /

Шилдэг зураач Н.Батжаргал / Бүү март УСК /

Шилдэг хувцас дизайнП.Бэрхээдэй / Өртөө УСК /

Шилдэг хөгжмийн зохиолч Б.Одбаяр / Итгэл УСК /

Шилдэг найруулагч Ж.Сэнгэдорж / Lovers УСК /

Шилдэг зураглаач Д.Ангараг /Атганд үлдсэн эрдэнэ УСК /

Шилдэг эмэгтэй гол дүр МУАЖ Д.Мэндбаяр / Ээж УСК /

Шилдэг эрэгтэй гол дүр Б.Амарсайхан / Итгэл УСК /

 Залуу үед үлгэр дууриал үзүүлсэн бүтээлээр найруулагч Ж.Сэнгэдоржийн бүтээл болох Монгол Улсын гавьяат тамирчин, олимпийн мөнгөн медальт Д.Сумъяагийн амьдралаас сэдэвлэсэн “Хүлэгү Пикчерс”-ийн бүтээл “Цагаан хадаг” шалгарлаа.

Шилдгийн шилдэг бүтээлээр “Итгэл” уран сайхны кино тодорлоо

“Cinema Awards” шагнал гардуулах ёслолын үйл ажиллагаанд хөтлөгчөөр “X-Түц” продакшны жүжигчин Т.Бархүү, Топ модель Д.Пүрэвсүрэн нар ажиллаа.

Хөтлөгчөөр ажилласан Т.Бархүү “Яг түүн шиг-2” шоуны хүчтэй оролцогч гэдгээрээ үзэгч түмэндээ харуулахаас гадна шаггүй сайн хөтөлдөг гэдгээ Монголын ард түмэндээ харуулж чадлаа. Т.Бархүү “Cinema Awards” -ийн тайзнаа сюрприз барив. Тэрээр “Яг түүн шиг-2” шоуны эхний дугаартаа ялалт байгуулсан СТА, дуучин Т.Дэлгэрмөрөнгийн дүрд хувирсан  Наян булаг дууг дуулж эхэлтэл түүний араас СТА Т.Дэлгэрмөрөн гарч ирэн дуулж наадамд оролцогч нарын зүрхийг огшоов.

“Cinema Awards” -ийг “Өргөө” кино театр, Монголын кино урлагийн зөвлөл хамтран зохион байгуулж, ёслолын үйл ажиллагааг “Боловсрол суваг” телевиз шууд дамжууллаа.

 

Г.Нараа

Гэрэл зургийг Э.Ариунаа 

Гэрэл зургийг хуулбарлаж авахыг хориглоно 

 

 

Share Button

Сэтгэгдэлүүд

2 сэтгэгдэл.
  • dj 124.28.57.176

    2017/05/20 at 18:26

    Манай одоогоор кино урлаг гэж яг үнэндээ байгаа билүү гудамны марзагуур нөхөд л байгаа гэх байх яг үнэншүү чин үнэндээ ийм л байгаа

  • Hulan 203.91.115.36

    2017/05/21 at 14:14

    delgermorong taiznaa gargamaargvi bn

Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 9993-8186 утсаар хүлээн авна.

Сэтгэгдэл үлдээх


6 × = 6