Зүүн Азийн эрэгтэйчүүдийн волейболын аварга шалгаруулах тэмцээн болно

17/05/16 09:19

317 Үзсэн

Зүүн азийн волейболын холбооноос уламжлал болгон зохион байгуулдаг “Азийн зүүн бүсийн эрэгтэйчүүдийн волейболын аварга шалгаруулах тэмцээн” Улаанбаатар хотноо 2017 оны 5 дугаар сарын 20-25 өдрүүдэд “Буянт-Ухаа” спортын ордонд зохион байгуулагдах гэж байна. Тус тэмцээн нь 1998 оноос эхлэн зохион байгуулагдсан бөгөөд манай улсад ийнхүү 4 дэх удаагаа болох гэж байгаа аж. Тэмцээн 5-р сарын 20-ны өдөр 13:00 цагаас “B” хэсгийн Хонгконг болон БНАСАУ-ын шигшээ багуудын тоглолтоор эхлэх бол манай улсын шигшээ баг эхний тоглолтоо 19:00 цагаас БНСУ-ын шигшээ багийн эсрэг хийх юм.

Уг тэмцээнээс Монголын эмэгтэй шигшээ баг 2000 онд мөнгө, 2008 онд хүрэл медаль хүртэж байсан түүхтэй. Харин эрэгтэй шигшээ баг 2015 оны тэмцээнд IV байранд шалгарч байсан бөгөөд энэ жил нутагтаа медалийн тавцанд хүрэх зорилготойгоор бэлтгэл сургуулилтаа базаажээ. Азийн зүүн бүсийн волейболын холбооноос 2012 оноос эхлэн энэхүү тэмцээний эмэгтэй, эрэгтэй төрлүүдийг тусад нь явуулж байхаар шийдвэрлэсний дагуу тус тэмцээн 2012 онд БНХАУ, 2014 онд Хятадын Хонг Конгод(эмэгтэйчүүд), 2013 онд Тайванд, 2015 онд Монголд, 2016 онд Хятад улсад тус тус зохион байгуулагдаж байсан аж. Тус тэмцээнийг “ETV HD” телевиз Монгол орон даяар шууд дамжуулан хүргэнэ.

Хэсэг:

  • А хэсэг: Монгол, БНХАУ, БНСУ, Макао
  • В хэсэг: Япон, Хонконг, Тайвань, БНАСАУ

Тоглолтын оноолт: (Буянт-Ухаа спортын ордон)

V.20 (Бямба гариг)

  • Хонконг vs БНАСАУ /B хэсэг/
  • Япон vs Тайвань /B хэсэг/
  • Макао vs БНХАУ /A хэсэг/
  • Монгол vs БНСУ /А хэсэг/

V.21 (Ням гариг)

  • Япон vs Хонконг
  • Тайвань vs БНАСАУ
  • Монгол vs Макао
  • Өмнөд Солонгос vs БНХАУ

 

 

Share Button

Санал болгох.

Сэтгэгдэлүүд

Сэтгэгдэл 0.

Уншигчдын бичсэн сэтгэгдэлд ugluu.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдлыг 9993-8186 утсаар хүлээн авна.

Сэтгэгдэл үлдээх


2 + = 3