Монгол Улс, ОХУ-ын ГХЯ-д хоорондын Бодлогын зөвлөлдөх уулзалт болов

Монгол Улс, ОХУ-ын ГХЯ-д хоорондын Бодлогын ээлжит зөвлөлдөх уулзалт энэ оны 3 дугаар сарын 28-нд Улаанбаатар хотноо амжилттай болов.

Уулзалтыг монголын талаас ГХЯ-ны Бодлого, төлөвлөлтийн газрын захирал Ш.Одонбаатар, оросын талаас ОХУ-ын ГХЯ-ны Гадаад бодлого төлөвлөлтийн газрын захирал О.В.Степанов нар ахлав. Төлөөлөгчдийг ГХЯ-ны Төрийн нарийн бичгийн дарга Д.Даваасүрэн хүлээн авч уулзав.

Уулзалтаар хоёр тал олон улс, бүс нутгийн хамтын ажиллагаа, олон улсын байдал, харилцан сонирхсон асуудлуудаар санал солилцов.

Мөн хоёр тал Монгол Улс, ОХУ-ын харилцаа, хамтын ажиллагааны асуудлаар санал солилцож,  хоёр улсын улс төрийн харилцаа өндөр түвшинд байгааг тэмдэглэхийн сацуу худалдаа, эдийн засгийн хамтын ажиллагааг урагшлуулахын чухлыг тэмдэглэв. Мөн өндөр дээд түвшингийн уулзалт, айлчлал харилцаа хамтын ажиллагаанд чухал ач холбогдолтой болохыг дурдаж,  Ерөнхий сайдын түвшний айлчлалын бэлтгэлийг хангахын чухлыг онцлов.

ГХЯ

Санал болгох мэдээ

Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын тусгай элч Жан Тодт-той уулзлаа

Монгол Улсын Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын замын хөдөлгөөний аюулгүй байдлын асуудал …