Улаан луу өдөр

Аргын тооллын 1 сарын 29-ны ням гараг, билгийн тооллын өвлийн адаг цагаагчин үхэр сарын шинийн 2-ны адьяа гараг, 9 улаан мэнгэтэй, үхэх барилдлагатай, гал суудалтай, тооно одтой, улаан луу өдөр. Өдрийн наран 8:10 цагт  мандан, 17:5 цагт жаргана.

Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.