Иргэд нь жагсаж байхад төр засаг нь баяр тэмдэглээд завгүй

Эдийн засгийн хямралаас үүдэлтэй хүндрэлүүд их бий. Ямар сайндаа л улс төрийн албан хаагчдынхаа цалинг тавьж чадахгүй банкнуудаас зээл авсан тухай мэдээлэл сар бүр сонсогдож байх билээ. Үнэндээ орж ирсэн хөрөнгөө үр ашиггүй зүйлд зарцуулж, өөрсдийн бизнесийг дэмжснээс болоод л Монгол Улс хямралтай нүүр тулчихаад байгааг эрх баригчид ярьж, тайлбарлаж, гоншгонож суугаа. Тэдэнд гаднаас л зээл тусламж авахгүй бол ямар ч аргагүй болчихсон гэх. Тэгсэн атлаа баяр цэнгүүнийг бусдаас илүүгээр тэмдэглээд байна гэнэ шүү.

Юун хямрал, юун зээл тусламж. Эдийн засаг нь 17 хувь өсч явсан Монгол Улсын үед харагдаагүй тансаг шинэ жилийн баярыг Монгол ардын нам л зохион байгуулж, наргиж байна.

Нэг бус хэд хэдэн шинэ жилийн баярыг эрх баригчид зохион байгуулж, тансаглаж байгааг харахад энэ улс орон хямраагүй ч юм шиг. Тухай шинэ жилийн цэнгүүнүүд дээр Монгол өртөг өндөртэй гэгддэг “Камертон”, “Чингис хаан” хамтлагууд, мөн томчуудад VIP тоглолт хийдэг “Андууд” /ахлагч нь Шадар сайд У.Хүрэлсүхийн оролцсон/ хамтлагаас гадна, “Авьяаслаг Монголчууд” шоуны ялагч Энх-Эрдэнэ хүртэл хүрэлцэн ирж ая дуугаа өргөжээ.
Ер нь л их өртөг өндөртэй шинэ жил болжээ гэдэг нь харагдаж байгаа биз. Намын дарга нь улс орнуудаар дамжин “тэнэж гуйлга” гуйгаад л. Тэгсэн үлдсэн хэд нь тансагаа тансаг. Наргиж цэнгэсээр. Ёстой л нөгөө хэн жаргалтай байна МАН-ынхан л жаргалтай байна гэдгээр. МАН-д харьяалалтай болгон хямралыг үл ажран баярлан цэнгэж байна. Харин жирийн иргэд утаатай тэмцэж, ирээдүй хойчдоо эрүүл агаар бэлэглэхийн тулд хүйтэн өдөр жагсаж эсэргүүцлийн дуу хоолойгоо төр засагтаа өргөж байна. Даанч төр засаг нь баяр тэмдэглээд тун завгүй.

Шар хүү

Санал болгох мэдээ

О.Номинчимэг: Төв цэнгэлдэх хүрээлэнгээс хэсэгчилж зарсан газруудыг шалгаж, дуудлага худалдааны үнийг төлүүлнэ

1993 онд Төв цэнгэлдэх хүрээлэнг ягаан тасалбараар хувьчилж, 70 хувийг нийслэлд, 30 хувийг хувийн өмчид …