Өглөө.мн Шинэ өглөө, Шинэ мэдээлэл
Говь нутгийн ард түмэн тэмээн сүргээ өсгөн үржүүлж, хайрлан хамгаалах чиглэлээр олон ажлыг хийж хэрэгжүүлсээр байна. Өмнөговь аймгийнхан “Хоёр бөхт” тэмээгээ дэлхийд алдаршуулах зорилгоор “Монгол тэмээ-999” геннисийн дээд амжилтад бүртгүүлэх 1000 тэмээний уралдааныг ирэх гуравдугаар сарын 6, 7 ны өдрүүдэд Даланзадгад суманд зохион байгуулахаар болжээ. Уг арга хэмжээнд Өмнөговь аймгийн 15 сумаас гадна бусад аймгийн тэмээчид урилгаар оролцох аж. 19 дэх жилдээ болж буй “Монгол тэмээ-999” өвлийн наадмыг энэ удаа ийнхүү өргөн дэлгэр зохион байгуулахаар болсон байна. Энэхүү үйл ажиллагааг “Түмэн тэмээ” тэмээн аяллын холбоо санаачлан зохиодог, Монголын залуучуудын холбоо хоёр дахь жилдээ хамтран ажиллаж буй аж.
