ЕБС-ын сурагчдын амралтын хугацаа дуусахад долоо ч хүрэхгүй хоног үлдээд байна. Үүнтэй холбогдуулан Нийслэлийн удирдлагууд өнөө өглөө хуралдсан ба агаарын бохирдол ихтэй байгаа цаашлаад хүйтний эрч чангарч байгаатай холбогдуулан бага дунд ангийн сурагчдын амралтыг хойшлуулах санал гаргасан юм. Үүнд 1-5-р ангийн сурагчдыг онцолсон бөгөөд энэ талаар шийдвэрийг БСШУЯ сайд Л.Гантөмөр шийдвэр гаргах ёстой юм. Тэрээр одоохондоо ямар нэгэн шийдвэр гаргаагүй байгаа ч өөрийн твиттер хуудаснаа сунгах талаар жиргэсэн байна. Тодруулбал Баясаа Норов хэмээх жиргээч ” Сурагчдын амралтыг хойшлуулахгүй юмуу. Хүүхэд байтугай л хөлдөхөөр байна шүү дээ” гэсэн жиргээний хариуд “Сунганаа” хэмээн товч бөгөөд тодорхой хариулсан байна.
Б.Нарангэрэл