“Монголын цахим сэтгүүлзүйн анхдугаар форум” /фото мэдээ/

Сэтгүүл зүйн салбарт бий болсон отгон хирнээ асар их ирээдэйтэй нэг салбар бол цахим сэтгүүл зүйн салбар юм. Дэлхий дахинд интернэтэд суурилсан цахим сэтгүүл зүй асар хурдацтай хөгжиж байна. Үүнийг нэгэн адил манай улсад цахим сэтгүүл зүйн хөгжил урагшлан дэвшиж байгаййтай зэрэгцэн энэ салбарын   хүрээнд олон туламдсан асуудлууд бий болсон. Ялангуяа веб сайт эрхлэгчид болон  энэ чиглэлийн төрийн  байгууллагуудын хоорондын харилцаа ойлгомжгүй хэвээр байна. Дээр нь цахим сэтгүүл зүйн аль чиглэл, хадлагыг хэвлэл мэдээллийн хэрэгсэл гэж үзэх вэ гэдэг асуудал ч маргаантай сэдвийн нэг байсаар байгаа.

Ийм цаг үед  Монголын Сайтын Холбоо санаачлагчаар, Монголын Сэтгүүлчдийн Нэгдсэн Эвлэл ерөнхий зохион байгуулагчаар нь оролцсон “Монголын цахим сэтгүүл зүйн хөгжил” форум Дэлхийн хэвлэлийн эрх чөлөөний өдрийг утан 5 сарын 1-ны өдөр  Төрийн ордны Их танхимд  амжилттай болж өнгөрлөө.

Тус форумд хэвлэл мэдээллийн салбарын хүрээнд  үйл ажиллагаагаа явуулдаг төрийн болон төрийн бус байгууллагууд, их дээд сургуулийн багш оюутнууд болон  монголын топ бизнесийн байгууллагуудын менежерүүд зэрэг   800 хүн оролцлоо.

Форумд УИХ-ын  сэтгүүлч гишүүд болон Г.Уянга, Д.Сарангэрэл нар урилгаар оролцон  үг хэллээ.

Форумын  фото  мэдээллээс хүргэе.