Онлайн автомашин худалдааны Mashin.mn сайт шинээр нээгдлээ /текст+фото/

Автомашин худалдааны зах зээлд өөрийн гэсэн өнгө төрхөөрөө ялгарахуйц  цоо шинэ сайт болох www.mashin.mn сайт нээлтээ хийлээ. Тус сайт нь худалдан авагчдыг  Япон улсын  120 гаруй мужуудад байдаг автомашин худалдааны  дуудлага худалдаа явуулдаг газруудтай онлайнаар монгол хэлээр  шууд  холбон худалдан авагч, нийлүүлэгчийг ямар нэгэн жуучлагч, ченжийн гар дамжуулалгүйгээр холбож байгаараа онцлогтой ажээ. Ингэснээр хэрэглэгч өөрийн  сонирхсон өнгө үзэмж, загварын автомашинаа Японоос шууд захиалан авах боломжтой болж, улмаар үнийн хувьд харьцангуй хямдаар худалдан авах боломж бүрдэж байгаа юм байна.