Хэсэг нам гүм байсан топ модель Д.Пүрэвсүрэнгийн гэнэтийн бэлэг юу вэ

10 жилийн ширээнээс алдар хүндийн титэм зүүсэн топ модель, жүжигчин Д.Пүрэвсүрэн оюутан ахуйдаа алтны магнат Ц.Мянганбаярын гэргий болж, Мөнхжин охиноо төрүүлсэн. Гэтэл нэг л өдөр охиныхоо аавыг ард түмний миссэд алдаж, тэр явдлаас хойш олон эрчүүдтэй нэр холбогдож явсан билээ. Энэ бүхний эцэст жинхэнэ хайраа олж уул уурхайн салбарт бизнес нь хурдтай өсч яваа Ганбаяр гэх залууг эр нөхрөөрөө сонгосон. Өдгөө гурван хөөрхөн хүүхдийн ээж болсон топ модель маань нам гүмхэн байгаа. Загварын тайзнаас кино урлаг руу урвасан авьяаслаг топ Пүүжээ шаггүй сайн жүжигчин гэдгээ харуулж өнгөрсөн жил СТА цол тэмдэгээр энгэрээ мялаасан. Тэгвэл хэсэг олны нүднээс далд байсан топ бүсгүй шоу бизнест хөл тавьж, загварын ертөнцөд тэсрэлт хийхээр төлөвлөж байгаа сурагтай. Энэхүү ажлаа ирэх тавдугаар сараар эхлүүлэх гэж буй бөгөөд дотуур хувцасны асар том шоуг бэлтгэхээр тун завгүй байгаа гэнэ лээ.

Эх сурвалж: Шуурхай.мн